Байрамдар айыҡ үтә. Бөгөн Хөкүмәттә үткән оператив кәңәшмәлә Башҡортостан Башлығы Радий Хәбиров был көндәрҙә хакимиәттәрҙә иҫерткес эсемлек һатыуҙы тыйыу тураһында белдерҙе.
Башҡортостанда һабантуйҙар республика етәксеһе раҫлаған графикка ярашлы ойошторола. Байрамда санитар талаптарҙы үтәү мөһим. Республикала тәүге һабан байрамы 4 июндә Йылайырҙа үтә.
