30 майҙа “Кәкүк сәйе” байрамына егелгән арбала ултырып барған кешеләргә автомобиль бәрелә. Юл-транспорт ваҡиғаһында ике кеше зыян күрә, яраланған атты йоҡлатырға мәжбүр булалар. Район хакимиәте вәкилдәре бөгөн йылҡы малы хужаһына Радий Хәбиров исеменән тай бүләк иттеләр. Республика Башлығы 1 июндә үҙе Яңы Мөслим ауылына килеп халыҡ менән аралашҡайны. Ул аварияла зыян күргәндәрҙе дәүләт иҫәбенә дауаларға, ауылда мәҙәниәт йортон төҙөкләндерергә, юл һалырға вәғәҙәләне.
