Хөкүмәттә үткән оператив кәңәшмәлә вице-премьер – Һаулыҡ һаҡлау министры Максим Забелин ошо турала белдерҙе. Ял көндәрендә лә халыҡҡа прививка эшләү әүҙем барҙы, тине ведомство башлығы.
Һуңғы тәүлектә республикала вирус йоҡтороусылар 91-гә артҡан. Зубов ауылындағы ковид госпиталдә - 290, Стәрлетамаҡтағы дауаханала 158 пациент дауалана. Максим Забелин коронавирус сирлеләр өсөн тәғәйенләнгән урындарҙы 10 процентҡа кәметеү ниәте хаҡында белдерҙе. “Алдағы көндәрҙә Башҡортостанда халыҡ-ара саралар уҙа. Ҡарар ҡабул итер алдынан ошоно иҫәпкә алығыҙ”, - тине республика етәксеһе Радий Хәбиров.
