Унда аҙыҡ-түлек һәм эшкәртеү сәнәғәте мәсьәләләре ҡаралды. Радий Хәбиров белдереүенсә, предприятиеларҙың эшкәртеү ҡеүәтен арттырыу, халыҡты үҙебеҙҙә етештерелгән продукция менән тәьмин итеү мөһим. “Беҙ ҡараған программа тап ошоно күҙ уңында тота”, - тине Башҡортостан етәксеһе.
Радий Хәбиров Өфөләге һөт комбинаты эше менән танышты. Предприятие республиканың 10-дан ашыу районы, шулай уҡ фермер хужалыҡтары менән хеҙмәттәшлек итә. Унда тәүлегенә 150 тонна с һөт эшкәртелә. Продукция бик күп мәктәп, балалар баҡсаһы һәм дауаханаларға оҙатыла. Радий Хәбиров эшкәртеү ҡеүәтен арттырырға ҡушты.
