Башҡорт дәүләт педагогия университетында халыҡ-ара сараларҙа эшләү тәжрибәһе булған ирекмәндәр һәм студенттар осрашыуы үтте. Тәржемәселәр ҡунаҡтарға республиканың тарихы һәм мәҙәниәте тураһында һөйләй, иҫтәлекле һәм матур урындар менән таныштыра. Фольклориада 3 июлдә Өфөлә башлана. Уны асыу тантанаһы “Өфө-Арена” боҙ һарайында була. Әле унда артистарҙың репетицияһы бара. Шоу үҙенсәлектәре сер итеп һаҡлана.
