Һуңғы ун йылда Иглин районында халыҡ һаны 60 меңдән артҡан. Был мәсьәләләр республика Хөкүмәтенең Иглин районы үҫеше мәсьәләләренә арналған күсмә ултырышында тикшерелде. Йыйылышты Премьер-министр Андрей Назаров асты.
Һуңғы ун йылда Иглин районында халыҡ һаны 60 меңдән артҡан. Был мәсьәләләр республика Хөкүмәтенең Иглин районы үҫеше мәсьәләләренә арналған күсмә ултырышында тикшерелде. Йыйылышты Премьер-министр Андрей Назаров асты.
Кәңәшмәлә район хакимиәте башлығы Гүзәл Насирова ла сығыш яһаны. Муниципалитет етәксеһе электр, газ һәм һыу тәьминәте мәсьәләләренә иғтибар итте. Уның әйтеүенсә, торлаҡ-коммуналь хужалыҡ инфраструктураһы 7 мең кешегә иҫәпләнгән булған, ә бөгөн район үҙәгендә йәшәүселәр иҫәбе 35 мең сиген үткән.
Быға бәйле, яңы физкультура комплекстары, мәҙәниәт йорттары һәм поликлиника төҙөү мәсьәләһе килеп тыуған. Фекер алышыуҙы йомғаҡлап Хөкүмәт Премьер-министры Андрей Назаров райондың үҫеш мөмкинлектәре булыуын, әммә әлегә уларҙың тулыһынса файҙаланылмауын билдәләне. Бындай күсмә кәңәшмәләр башҡа муниципалитеттарҙа ла үтәсәк.
Гөлдәриә Йосопова
