Вице-премьер – Һаулыҡ һаҡлау министры Максим Забелин Башҡортостан юлдаш телевидениеһында үткән брифингта шул турала белдерҙе. Бер меңгә кешегә тиклем ҙур сараларҙы, шул иҫәптән Бөтә донъя Фольклориадаһын, үткәрергә рөхсәт ителә. Мәҙәни форумға килгән сит ил кешеләре бөтәһе лә прививка эшләтә. Республикала йәшәүселәргә иһә йәмәғәт урындарына барыу өсөн ике шарт үтәлергә тейеш.
Башҡортостанда коронавирустан вакциналау мотлаҡ булмай. Әммә прививка яһатмаған кешеләр башҡаларға сир йоҡтороуҙа ҙур хәүеф тыуҙыра. Республиканың баш санитар табибы Анна Казак әйтеүенсә, коллектив иммунитет булһын өсөн, халыҡтың 60 проценты вакцина эшләтергә тейеш.
Республикала әле 336 меңдән ашыу кеше коронавирустан вакцинаның ике компонентында эшләткән.
