Хәтер һәм ҡайғы көнө алдынан иҫтәлекле саралар үтә. Санитар-эпидемиологик талаптарҙы иҫәпкә алып, “Хәтер шәме” акцияһы быйыл онлайн да ойошторола. Деньпамяти.рф сайтында инеп бер һумлыҡ виртуаль шәм ҡабыҙырға була. Бөтә йыйылған аҡса Бөйөк Ватан һуғышы ветерандарына медицина ярҙамы күрһәтеүгә йүнәлтелә. Быйыл 22 июндә Бөйөк Ватан һуғышы башланыуға 80 йыл тула. Иртәгә республикала иҫтәлекле саралар уҙғарыла.
