Бөгөн Өфөлә Башҡортостандың халыҡ артисы, билдәле композитор Абрар Ғабдрахманов йәшәгән йортҡа мемориаль таҡтаташ ҡуйылды. “Йырҙары һәм романстары ижадсыға ҙур танылыу килтерҙе. Әҫәрҙәре лә уға һәйкәл булып тора”, - ти йырсы Нәзифә Ҡадырова.
Абрар Ғабдрахманов күп яҡлы талант эйәһе була. Ул балалар операһы, симфониялар, хор өсөн әҫәрҙәр ижад итә. Композитор тәнҡитсе булараҡ та танылыу яуланы.
Фотоһүрәт : "Башинформ" мәғлүмәт агентлығы сайтынан.
