Республикала коронавирустан вакцина яһатыусылар арта. Был турала Башҡортостан башлығы белдерҙе. Радий Хәбиров “Рәсәй-24” телеканалына интервью бирҙе.
Республикала эпидемиологик хәлгә бәйле сикләүҙәрҙең икенсе өлөшө кисектерелеүе ихтимал. “Ковидҡа ҡаршы” указдың бер өлөшө 29 июндә көсөнә инергә тейеш. “Ҡарар ҡабул итеү беҙгә килтерелгән вакцина партияһынан тора. Прививка яһатыусыларға ҡыйынлыҡ тыуҙырмау маҡсатында, сикләүҙәр 5 июлгә күсерелеүе мөмкин. Был йома оператив штаб ултырышында билдәле була”, - тине Башҡортостан Башлығы Радий Хәбиров.
