Бөгөн Хөкүмәт вице-премьеры Ирек Сәғитов ғәҙәттән тыш хәлдәрҙе иҫкәртеү һәм уларҙың эҙемтәләрен бөтөрөү буйынса комиссия ултырышын үткәрҙе. 23 июндә Башҡортостандың ҡайһы бер райондарында елдең тиҙлеге секундына 24 метрға еткән. Премьер-министр урынбаҫары район хакимиәттәренә емерелгән биналарҙы тиҙ арала төҙөкләндерергә һәм йорттары зыян күргән кешеләргә ярҙам күрһәтергә ҡушты.
