“Уҡылмаған китап”. Бөгөн Асҡын районы Урмияҙ ауылында Ришат Дихинға бағышланған хәтер кисәһе үтә. Ришат Марат улы быйыл 27 мартта коронавирустан вафат булды. Ул 2 йыл район хакимиәтен етәкләне. “Оло йөрәкле кеше ине, халыҡты хәстәрләне. Районды танытыуға ҙур өлөш индерҙе”, - ти Ришат Дихиндың яҡташы, Башҡортостан парламенты депутаты Әлфис Ғаязов.
Бөгөн үтәсәк хәтер кисәһендә Ришат Дихиндың дуҫтары, коллегалары, яҡындары, шулай уҡ Башҡортостан Милли халыҡ уйын ҡоралдары оркестры ҡатнаша. Сара киске сәғәт 6-ла башлана.
