Өфөгә Рәсәй Мәғариф министрының беренсе урынбаҫары Александр Бугаев һәм “Һөнәри оҫталыҡты арттырыу агентлығы” вәкилдәре килде. Улар Башҡортостан Премьер-министры Андрей Назаров һәм сараны ойоштороу комитеты ағзалары менән осрашты. Әңгәмә барышында чемпионатҡа әҙерлек мәсьәләһе ҡаралды. Андрей Назаров белдереүенсә, респбулика “Йәш һөнәрмәндәр” милли чемпионатын билдәләнгән ваҡытта уҙғарырға әҙер, барыһы ла федераль ойоштороу комитетынан тора.
WorldSkills Russia эшсе һөнәрҙәрҙең абруйын күтәрә, сифатлы профессиональ белем биреү мөмкинлеген булдыра, төбәк-ара хеҙмәттәшлекте нығыта. “Чемпионатты үткәрәү мөһим”, - тине Андрей Назаров.
“Йәш һөнәрмәндәр” чемпионаты 21 июлдә башлана.
#чемпионат
