Был турала коронавирус таралыуына юл ҡуймау буйынса оператив штаб ултырышында Башҡортостан Хөкүмәте вице-премьеры – һаулыҡ һаҡлау министры Максим Забелин белдерҙе.
Ковид менән сирләү күрһәткесе буйынса республика илдә 82-се урында, әммә вирус йоҡтороусылар күбәйә бара. Һуңғы аҙнала коронавирус йоҡтороусылар тәүлегенә 16 процентҡа артты. Пневмония менән сирләүселәр 25 процентҡа етте, шул рәүешле өҫтәмә 250 ковид-койка булдырылды, 1 июлдә тағы ла шунса урын булдырыласаҡ тине, Максим Забелин.
