Дарья Дергай Рәсәй Почтаһының Бөтә Рәсәй һөнәри оҫталыҡ конкурсында еңеү яулаған. Быйылғы бәйгелә дүрт һөнәр эйәһе – элемтә операторҙары, почта бүлексәләре етәкселәре, водителдәр һәм почтальондар көс һынашҡан.
Конкурс онлайн-форматта үткән. Еңеүсе Дарья Дергай диплом, махсус билдә һәм аҡсалата сертификат менән бүләкләнәсәк. Артабан ул башҡа еңеүселәр менән бергә Бөтә Рәсәй конкурсы финалында Волга макротөбәге данын яҡлаясаҡ.
Гөлдәриә Йосопова
