Был турала республика парламенты рәйесе урынбаҫары Эльвира Айытҡолова белдерҙе. Президент вакциналау, ил спортына мөнәсәбәте, сүп-сарҙы утилләштереү һәм бик күп социаль-иҡтисади темаларҙы күтәрҙе, ти вице-спикер.
Владимир Путин менән тура элемтә 3 сәғәт 42 минут дауам итте. Президент 68 һорауға яуап бирҙе. Улар араһында Башҡортостан ауыл хужалығы хеҙмәтсәндәренең дә мөрәжәғәте булды. Дәүләт башлығы менән бындай форматта аралашыу 18-се тапҡыр ойошторолдо.
