Улар араһында беҙҙең коллегалар ҙа бар. “Юлдаш Плюс” радиоһы етәксеһе, йырсы Илнур Рамазанов вакциналауҙың беренсе этабын үтте.
БСТ телеканалы алып барыусыһы Дмитрий Каретко вакцинаның икенсе компонентын яһатҡан.
Республикала ковидҡа бәйле һорауҙарға Ситуация үҙәге белгестәре яуап бирә. Үҙәк көн һайын иртәнге сәғәт 8-ҙән киске 8-гә тиклем эшләй. Элемтә телефоны: 218-19-19, Өфөнөң коды: 347. Шылтыратыуҙар үҙәге егәксеһе Римма Үтәшева белдереүенсә, һуңғы ваҡытта бәйләнешкә инеүселәрҙең күбеһе вакцина яһатыу тураһында һораша.
