Уҡыу процесының ниндәй форматта буласағы тураһында Владимир Путин менән тура линия ваҡытында әйтелде. Башҡортостандың Мәғариф һәм фән министры Айбулат Хажин 1 сентябрҙә уҡыусыларҙың йола буйынса мәктәп парталары артына ултырасағына иҫәп тота.
Шул уҡ ваҡытта әле колледждар, техникумдар һәм юғары уҡыу йорттарына ҡабул итеү комиссиялары эш башлаған. Йәштәр араһында сир таралыуҙы иҫкәртеү өсөн ведомство документтарҙы онлайн-форматта, электрон сервистар аша тапшырырға кәңәш итә.
