Бөгөн «Торатау» конгресс-холында студенттар фәнни-ғәмәли конференция уҙғарҙы. Ковид-19 йоғонтоһон өйрәнеү: Йәштәрҙең фәнни эҙләнеүҙәр потенциалы, тип аталған сарала медицина университеты студенттары ғына түгел, башҡа вуздарҙа уҡыусылар ҙа ҡатнашты. Сөнки уларҙы бер маҡсат- коронавирусҡа ҡаршы көрәш берләштерә.
Студенттар был өлкәләге эҙләнеүҙәре һәм уңыштары менән уртаҡлашты. Уларҙың байтаҡтары пандемия менән көрәшкә үҙ өлөшөн индереп тә өлгөргән. Волонтерҙар булып эшләгән, дауаханаларҙа пациенттар дауалауҙа ла ҡатнашҡандары бар.
Айнур Кәбиров
