Шул уҡ ваҡытта сүп сығарған өсөн түләүҙәрҙең 90 проценттан ашыуы йыйыла. Премьер-министр Андрей Назаров белдереүенсә, операторҙар теркәлгән контейнер майҙансыҡтарының бөтәһенән дә ҡалдыҡтарҙы сығара. “Әммә сүп-сарҙы ваҡытында алып китеү һәм был эште сифатлы итеп башҡарыу буйынса һорауҙар күп әле”, - тине Хөкүмәт рәйесе.
Ҡаты көнкүреш ҡалдыҡтарын сығарыуға бәйле иң күп ялыуҙар Өфө һәм Нефтекама ҡалалары, Өфө районында йәшәүселәрҙән килгән. Мөрәжәғәттәр “Инцидент-менеджмент” системаһында теркәлә бара.
