Үҙәкте асыу тантанаһында Башҡортостан вәкилдәре лә ҡатнашты. Улар милләттәштәребеҙгә башҡорт телендә республикала сыҡҡан ғилми әҙәбиәт өлгөләрен бүләк итте. Силәбеләр ҡунаҡтарҙы урындағы халыҡтың ауыҙ-тел ижады менән таныштырҙы, ерле халыҡтың ғөрөф-ғәҙәттәрен күрһәтте.
Милли-мәҙәни үҙәк Ҡоншаҡ районында йәшәүсе ағинәйҙәр хәрәкәте тарафынан ойошторолған. Уның ярҙамында милли-мәҙәни йолаларҙы һаҡлау һәм йәш быуынға тапшырыу күҙаллана.
Азат Ғәлиуллин
