Башҡортостанда Берҙәм тауыш биреү көндәрендә 3 мең 404 һайлау участкаһы асыла. Тауыш биреү барышын 7 меңгә яҡын кеше күҙәтеүе көтөлә.
Башҡортостан Йәмәғәт палатаһында күҙәтеүсе булырға теләгәндәр өсөн курстар ойошторола. “18 йәше тулған һәр кем ҡушыла ала”, - ти Йәмәғәт палатаһы Аппараты етәксеһе Шамил Вәлиев.
Рәсәй Үҙәк һайлау комиссияһы быйыл һайлауҙы өс көн – 17, 18 һәм 19 сентябрҙә үткәрергә ҡарар итте.
