Башҡортостандың Парашют спорты федерацияһы вәкиле Евгения Торгашева Рәсәй чемпионатында беренсегә еңеү яуланы. Ергә тиҙ төшөүҙә ул өсөнсө урынға лайыҡ булды.
Иң “йәш” тип һаналған дисциплинала спортсылар максималь вертикаль тиҙлектә ергә баш түбән төшөүҙә ярыша. Һөҙөмтә парашютсының башына кейҙерелгән каскаға урынлаштырылған махсус прибор ярҙамында билдәләнә. Донья рекорды – сәғәтенә 500 километрҙан ашыу тиҙлек.
