“Фармстандарт-УфаВита” компанияһы заводы хеҙмәткәрҙәре вакциналау үтеү күрһәткесе буйынса баш ҡала предприятиелары араһында иң артта килә. Популяр булған “Спутник-Ви” препаратын етештереүсе компанияла хеҙмәткәрҙәрҙең 34 проценты ғына прививка алған.
Тәүге урында 70 процент менән “Башспирт”, 63 процент менән “Эш кейемдәре комбинаты” йәмғиәттәре килә. Өсөнсөлә “Селена” һәм “Интеллектуаль системалар” предприятиелары. Уларҙа персоналдың 56 проценты вакциналанған.
