“Һеҙгә республика етәкселеге исеменән рәхмәт белдерәм. Халыҡ-ара фестиваль ҙур байрамға әүерелде. Күләмле эш башҡарылды, бөтәһе лә бер команда булып берләште, сара уңышлы үтһен өсөн һәр кем өлөш индерҙе”, – тип билдәләне ведомство етәксеһе Әминә Шафиҡова.
Халыҡ-ара фестивалде ойоштороуға 3 мең ярым кеше йәлеп ителде. Улар – ирекмәндәр, журналистар, кураторҙар, тәржемәселәр, водителдәр һәм туҡланыу өлкәһе хеҙмәткәрҙәре. Ҡаҙағстан делегацияһы кураторы Регина Камалова бөгөн Мәҙәниәт министрлығының Почет грамотаһы менән бүләкләнде.
Донъя фольклориадаһында 37 илдән 1 меңдән ашыу кеше ҡатнашты.
