Өс көн дауам иткән сарала теләгән һәр кем ҡатнаша алды. Яҡут ҡыҙы хомуста, йә иһә ҡумыҙҙа уйнау техникаһын өйрәтеп кенә ҡалманы, ат булып кешнәү, ҡош булып һайрау, япраҡтар шыбырҙауы кеүек төрлө тауыштар сығарыу серҙәрен дә асты. Музыкант Башҡортостан халҡына төрки телле йәштәрҙең»Урал моңо» конкурс-фестиваленең 2010 йылдағы еңеүсеһе булараҡ билдәле.
Бынан тыш, Юлияна Крипошапкина республикалағы бик күп күләмле проекттарҙа сығыш яһап тамашасы һөйөүен яуланы. Оҫталыҡ дәрестәренең тап Өфөлә үтеүенә музыканттың социаль аккаунтында ойошторолған конкурста Дүртөйлө районы егетенең еңеү яулауы сәбәпсе булған.
Азат Ғәлиуллин
