Был турала Ғәҙәттән тыш хәлдәр буйынса дәүләт комитетынан хәбәр итәләр. Үткән ял көндәрендә лә бәхетһеҙ осраҡтар теркәлгән. Бөрйән районында балыҡ тотҡанда бер ир-егет юғалған. Иртәгәһенә уның кәүҙәһен водолаздар тапҡан. Ҡырмыҫҡалы районында 17 йәшлек егет батып үлгән. “Иҫерек килеш һыуға төшөү, балаларҙы яңғыҙ ҡалдырыу бәләгә килтергән төп сәбәптәр”, - ти Ғәҙәттән тыш хәлдәр буйынса дәүләт комитеты рәйесе Фәрит Ғүмәров.
