Был турала беҙҙең радиоға биргән интервьюһында Өфө ҡалаһы Дим районы дауаханаһы баш табибы Фәнил Шәмиғолов белдерҙе. Медицина учреждениеһы июнь аҙағынан ковид-госпитал тәртибендә эшләй башлаған.
“Коронавирусты иҫкәртеү маҡсатында вакцина яһатыу мөһим”, беҙҙең медицина хеҙмәткәрҙәре халыҡҡа өлгө күрһәтә. Коллективта күптәр прививка эшләтте”, - ти баш табип.
Бөгөн республикала 180-дән ашыу урында вакцина яһатырға була. Волга буйы федераль округындағы иң ҙур үҙәк Өфөлә – “Торатау” конгресс-холында асылды. Һаулыҡ һаҡлау министрлығынан хәбәр итеүҙәренсә, 850 мең самаһы кешегә вакцинаның беренсе компоненты яһалған. 500 меңдән ашыу кеше тулыһынса Прививка алған. Башҡортостанда 60 йәштән өлкәндәр 803 мең тирәһе. Уларҙың 171 меңе вакцинаның ике компонентын да эшләткән.
