Был турала Халыҡ фронты үҙәк штабы рәйестәше Елена Шмелёва белдерҙе. Башҡортостанға эш сәфәре барышында “Сириус” мәғариф үҙәге етәксеһе бөгөн Өфөнөң Инорс биҫтәһендә Лесунов урамында урынлашҡан дөйөм белем биреү үҙәгендә булды. Үҙәк педагогтары һәм ата-әсәләр Елена Шмелева менән белем биреү һәм инфраструктура буйынса фекер алышты. Ошо уҡ биҫтәлә урынлашҡан 140-сы башҡорт гимназияһы эше менән танышты, мәғариф усағына ремонт менән ярҙам вәғәҙәләне. Төҙөкләндереү эштәре барышын Халыҡ фронты вәкилдәре үҙ контроленә ала.
