Ауыл хужалығы министрлығынан хәбәр итеүҙәренсә, 40 районда ашлыҡ уралар, әлегә 224 мең тонна уңыш йыйып алынған. Ужым гектарынан уртаса 18,2 центнер уңыш бирә. Саҡмағош, Ауырғазы, Ҡырмыҫҡалы хужалыҡтарында күрһәткестәр айырыуса юғары .
Иглин баҫыуҙарында ла урып-йыйыу кампанияһы йылдам бара. Хужалыҡтар аяҙ көндәрҙе файҙаланып ҡалып, уңышты юғалтыуһыҙ йыйып алырға ниәтләй, ти райондың баш агрономы Миңлеәхмәт Хәлитов.
Башҡортостанда"Баҫыу көнө” кәңәшмәләре уҙа. Был сара республикала 5 зонала үтә. Уларҙың һәр береһендә культураларҙы үҫтереү, иген сорттары, сәсеү һәм уңыш йыйыу буйынса үҙенсәлектәр бар. Тәүге семинарҙар Ҡалтасы һәм Әлшәйҙә үтте, иртәгә урман- дала райондары өсөн Ҡырмыҫҡалыла ойошторола.
