Күсмә семинар-кәңәшмә барышында «Раевка» ауыл хужалығы предприятиеһының ҡеүәтле комбайндары ужым арышын һуғыуға төштө. Ҡыҫҡа ваҡыт эсендә заманса техника ярҙамында ҙур майҙанда уңыш урып-йыйылды.
«Урып-йыйыу миҙгеле быйыл ғәҙәти булмаған шарттарҙа алып барыла. Юғары уңыш көтмәһәк тә, сифаты яҡшы, шуға ла осһоҙға төшмәһен тиһәгеҙ, игенде һатырға ашығырға ярамай», тип билдәләне телмәрендә Башҡортостан Хөкүмәте Премьер министры урынбаҫары – ауыл хужалығы министры Илшат Фәзрахманов. Семинарҙа ҡатнашыусылар Урал алды ялан зонаһында меңдән ашыу тәжрибә участкаһы менән танышты. 16 муниципалитет вәкиленә тәжрибә майҙандары менән танышыу пандемия сикләүҙәренә бәйле, өс төркөмдә үткәрелде.
Гүзәл Борханова
