Был турала беҙгә Инженер факультеты деканы Ринат Төлкөбаев хәбәр итте. Бюджет нигеҙендә 3 мең 283 урын булдырылған. Уның күп өлөшө көндөҙгө бүлектә уҡыусылар өсөн ҡаралған. Меңгә яҡыны ситтән тороп белем алыусы йәштәргә бүленгән.
Башҡорт дәүләт университетында бюджет нигеҙендә уҡыуға документтар ҡабул итеү 29 июлдә тамамлана. Магистратурала белем алырға теләгәндәр 10 августҡа тиклем тапшырырға тейеш. Бөгөн БДУ-ның youtube-каналында “Абитуриент-2021” темаһына һөйләшеү ойошторола.
