“Һаҡлан һәм һаҡла!” Медицина фәндәре докторы, академик Вил Тимербулатов халыҡты вакцина яһатырға саҡыра.
Сауҙа комплекстарында урынлашҡан нөктәләр эш көндәрендә иртәнге сәғәт 11-ҙән киске 8-гә тиклем эшләй. Ял һәм байрам көндәрендә бер сәғәткә иртәрәк асыла. “Торатау” Конгресс-холында ойошторолған пункт халыҡты көн һайын иртәнге 8-ҙән киске 8-гә тиклем ҡабул итә. Унда көнөнә мең ярым кеше прививка эшләтә ала. “Сиратта тормайынса ғына прививка ҡаҙатыу уңайлы”, - ти вакцина алыусыларҙың береһе Булат Мәғдәнов.
Республика Ситуация үҙәгендә COVID-19-ға бәйле һорауҙарға белгес кәңәше алырға була. Уның телефоны: 8-347-218-19-19. Көн һайын иртәнге сәғәт 8-ҙән киске 8-гә тиклем шылтыратырға мөмкин.
