Учалы тау-байыҡтырыу комбинаты хеҙмәткәрҙәренең 52 проценты коронавирусҡа ҡаршы прививка эшләткән

Был барлығы 2 674 кеше. Предприятие эшселәрен вакциналау бөгөн дә дауам итә. Февраль айынан алып ковидҡа ҡаршы прививка яһатырға теләүселәрҙе комбинат бүлексәләренең һаулыҡ пункттарында ҡабул итеү ойошторолған.

Беҙҙең рудникта 1408 хеҙмәткәр, шуларҙың 400-ҙән ашыуы прививка яһатты. Ғәҙәттә, вакцина эшләтергә яҙылғандан да күберәк кеше килә. Эш бара, яҡшыға өмөт итәбеҙ.

Ринат Сәғитов, Үҙйылға руднигы профсоюз комитеты рәйесе

Вакцинаны килешеү нигеҙендә Учалы үҙәк ҡала дауаханаһы медицина хеҙмәткәрҙәре ҡаҙай. Вакцинация графигы цехтарҙан килгән заявкалар нигеҙендә төҙөлә. Иммунопрофилактик саралар һөҙөмтәһендә предприятиела коллектив иммунитет 84 проценттан артҡан. Предприятие хеҙмәткәрҙәре әйтеүенсә, күптәр вакцинаны еңел үткәрә һәм прививканың сиргә ҡаршы берҙән-бер сара икәнен дә яҡшы аңлай.

Прививканы ял көнөнә тура килтереп эшләнем. Һаулыҡты бөтә коллектив менән бергә ҡайғыртабыҙ. Шунһыҙ мөмкин түгел.

Айгөл Коробейникова, оператор

Бөгөн икенсе прививканы эшләттем. Тәүгеһен еңел үткәргәйнем. Тымау тейҙергәндә һымаҡ бер аҙ температура ғына булды.

Виктор Кожевников, участка етәксеһе урынбаҫары
Фото №1 - Учалы тау-байыҡтырыу комбинаты хеҙмәткәрҙәренең 52 проценты коронавирусҡа ҡаршы прививка эшләткән

Гөлдәриә Йосопова

Башбат
Нет наркотикам
Акции БСТ
БАШКОРТТАР-БСТ