Республикала мал аҙығын әҙерләү дауам итә. Ауыл хужалығы министрлығы мәғлүмәттәре буйынса, 413 мең тоннанан ашыу бесән әҙерләнгән, 770 мең тонна сенаж һалынған. Саҡмағош, Стәрлетамаҡ һәм Дүртөйлө райондары сенаж, Көйөргәҙе менән Нуриман хужалыҡтары бесән етерлек әҙерләнгән. Ҡоролоҡҡа бәйле, бесәнлектәрҙә үлән әллә ни күтәрелә алманы, аграрийҙар кукурузды силосҡа һалыуға ҙур өмөт бағлай, ти Шаран районының мәғлүмәт-консультация үҙәге етәксеһе Альберт Минлин.
