Башҡортостанда ураҡ дауам итә. Республика хужалыҡтары 721 мең тоннанан ашыу иген һуғып алған. Был барлыҡ майҙандарҙың 27 проценты. Гектар ҡеүәте 16 центнер. Саҡмағош, Стәрлетамаҡ, Ауырғазы райондары 50 мең тоннанан ашыу иген һуғып алған. Саҡмағош районының "Заря" кооперативы пландың яртыһын үтәгән. Ҡеүәтле техника эште тотҡарлыҡһыҙ атҡарыуға булышлыҡ итә, ти хужалыҡтың баш агрономы Азат Ғайсин.
Башҡортостанда мал аҙығы әҙерләү ҙә дауам итә, ҡыш сығыуға етерлек мал аҙығының өстән бер өлөшө әҙерләнгән.
