Башҡортостанда коронавирустан прививканың ике компонентын да алыусылар 1 миллиондан ашты. Республика халыҡты вакциналау тиҙлеге буйынса илдә 13-сө урында килә. Сирлеләр һаны буйынса 82-се баҫҡыста тора. Был турала бөгөн Хөкүмәттә үткән оператив кәңәшмәлә вице-пермьер – Һаулыҡ һаҡлау министры Максим Забелин белдерҙе.
Республикала вакциналау урындары арттырылды. Хәҙер улар 208. Башҡортостан Башлығы Радий Хәбиров иртәгә коронавирус менән көрәш буйынса оператив штаб ултырышын үткәрергә ҡушты.
Үткән тәүлектә республикала 275 кешелә коронавирус инфекцияһы асыҡланған. Стационарҙа 600-ҙән ашыу пациент ята, уларҙың 49-ы ауыр хәлдә. 3 меңгә яҡын кеше амбулатор шарттарҙа дауалана.
