Республика тәфтишселәре 7 йәшлек малайҙың үлемен тикшерә. Ул бәшмәк менән ағыуланған. Бала йорт ихатаһында үҫкән ике бәшмәкте ашаған. Башта уны урындағы дауаханала, артабан Өфөлә дауалағандар. Һуңынан Мәскәү клиникаһына оҙатҡандар. Медицина ярҙамы күрһәтелеүгә ҡарамаҫтан, малай вафат булған. Һуңғы ярты йылда республикала бәшмәктән ағыуланыуҙың 10-ға яҡын осрағы теркәлгән. Рәсәй ҡулланыусылар хоҡуғын күҙәтеү хеҙмәте өлкән йәштәге кешеләргә, 8 йәшкә тиклем балаларға, ауырлы, бала имеҙгән ҡатын-ҡыҙҙарға бәшмәк ашарға кәңәш итмәй. Табип Сара Әхтәмова:
