Республикала коронавирустан вафат булыусылар арта. Бер тәүлек эсендә 10 кешенең ғүмере өҙөлгән. Коронавирус менән көрәш буйынса оператив штабтан хәбәр итеүҙәренсә, 278 кешелә коронавирус инфекцияһы раҫланған. Пандемия башланғандан алып, сир йоҡтороусылар һаны 51 мең 163-кә етте, вафат булыусылар – 866. Һуңғы тәүлектә 426 пациент һауыҡҡан. Республикала халыҡты вакциналау дауам итә. Прививканың беренсе компонентын 1 миллион 18 меңдән ашыу кеше алған. 799 мең кешегә вакциналауҙы тамамлаған.
