Граждандарҙың дәүләт органдарына мөрәжәғәте кисекмәҫтән хәл ителергә тейеш. Башҡортостан социаль селтәрҙәрҙә халыҡ мөрәжәғәттәре менән эшләү буйынса илдә алдынғылар рәтендә, тине "Диалог " ойошмаһы етәксеһе Алексей Гореславский Радий Хәбиров менән осрашыу барышында. Йәмәғәт һәм власть араһындағы һанлы диалог операторы етәксеһе әйтеүенсә, республикалағы тәжрибә башҡа төбәктәргә үрнәк булып тора.
Алексей Гореславский менән осрашыуҙа социаль селтәрҙә граждандар мөрәжәғәттәрен оператив хәл итеү тураһында һүҙ барҙы. Башҡортостан Башлығы Радий Хәбиров:
Республика менән идара итеү үҙәге тармаҡтар менән идара итмәй, аҡса бүлмәй. Ул координация үҙәге һәм Башҡортостанда йәшәүселәрҙең көнүҙәк мәсьәләләрен хәл итеүҙә ярҙам күрһәтә.
