Республикала яңы уҡыу йылы ғәҙәти тәртиптә башланырға тейеш. Әммә төрлө хәлдәргә әҙер булырға кәрәк, тип белдерҙе бөгөн Радий Хәбиров. Республика Башлығы баш ҡалала үткән мәғариф буйынса август кәңәшмәһендә сығыш яһаны.
Мәғариф хеҙмәткәрҙәре кәңәшмәһендә белем биреүҙәге көнүҙәк мәсьәләләр ҡарала. Күп белем усаҡтарын борсоған проблемаларҙың береһе – кадрҙар. Республика мәктәптәренә уҡытыусылар етешмәй. Беҙҙең мәктәпкә лә педагогтар кәрәк тип белдерҙе беҙҙең радиоға биргән интервьюһында Бөрйән районы Иҫке Монасип ауылы мәктәбе директоры Данил Ҡотлобаев.
Август кәңәшмәһе алдынан республика мәктәптәренә “Газель” автобустары тапшырылды. 41 мәктәп яңы транспортлы булды.
