Был турала Республика башлығы Радий Хәбировтың "Автодор" компанияһы идаралығы рәйесе Вячеслав Петушенко менән осрашыуында белдерелде. Радий Хәбиров әйтеүенсә, "Автодор" ышаныслы партнер булып тора, бергәләшеп проектты ваҡытында ғәмәлгә ашырырға кәрәк. Мәскәү-Ҡазан-Екатеринбург трассаһын 2024 йылға төҙөп бөтөү бурысы ҡуйылды. Ул Башҡортостандың Борай, Балтас, Дүртөйлө һәм Тәтешле райондары аша үтә. Республика аша үткән өлөшө 140 километр була.
