Радий Хәбиров ветерандар ойошмаларының эшен юғары баһаланы, йәмәғәт тормошонда әүҙемерек ҡатнашырға тәҡдим итте. Төп бурыс – йәштәрҙе тәрбиәләү, ветерандар ярҙам итергә әҙер, тине ул.
Республика башлығы әйтеүенсә, Шишмә районында хәрби часть нигеҙендә йәштәрҙе армияға әҙерләү үҙәге – «Патриот» тигән парк булдырыла. Тәүге курсанттарҙы октябрь-ноябрь айында ҡабул итеү планлаштырыла. Һауа-десант ғәскәрҙәре ветерандарына был эшкә ҡушылырға тәҡдим итәм, тине Радий Хәбиров.
