Йыл һайын ойошторолған бәйгенең маҡсаты – урман ҡырҡыусыларҙың һөнәри оҫталығын күтәреү. Быйыл конкурста республиканың төрлө урман хужалыҡтарынан 8 команда ҡатнашты. Бысҡы оҫталары тиҙлеккә, төҙлөккә һәм оҫталыҡҡа биш һынау үтте. Ағас йығыу буйынса ҡағиҙәләрҙе үтәү - төп талаптарҙың береһе, ти Урман хужалығы министрлығының бүлек етәксеһе урынбаҫары Альберт Бохаров.
Конкурстың абсолют еңеүсеһе тип Ҡариҙел районынан Алмаз Ғафаров танылды. Ул Республика данын ил кимәлендәге ярышта яҡлаясаҡ.
