Рәсәй фән һәм мәғариф министрлығы илдең төрлө тәбктәрендә студент кампусы төҙөлөшө өсөн 27 ғаризаның һигеҙен һайлап алды. Өфөнән тыш, төҙөлөшкә Томск, Новосибирск, Калининград, Түбәнге Новгород, Силәбе, Екатеринбург һәм Мәскәү дәғүә итте. Төҙөлөш быйыл башлана. Сығымдарҙың 60 проценты федераль бюджеттан ҡаплана. Радий Хәбиров ил Президенты Владимир Путиндың республикаға сәфәре барышында, проектҡа булышлыҡ итеүҙе һорағайны.
“Донъя кимәлендәге студент кампусы төҙөлөшө республика өсөн ҙур яңылыҡ. Был Башҡортостандың сираттағы оло еңеүе”, - ти фәлсәфә фәндәре кандидаты Зөфәр Тимербулатов.
“Студент кампусы беҙҙең республика өсөн яңы мөмкинлектәр аса”, - ти Дәүләт Йыйылышы – Ҡоролтай депутаты, педагогия фәндәре докторы Әлфис Ғаязов.
