Һаулыҡ һаҡлау министрлығынан хәбәр итеүҙәренсә, үткән тәүлектә 12 кешенең ғүмере өҙөлгән. Пандемия башланғандан алып, 941 кеше үлгән. Бер тәүлек эсендә сир йоҡтороусылар исемлегенә 290 кеше өҫтәлгән. Республика дауаханаларында 744 пациент дауалана. Уларҙың күбеһе өлкән йәштәгеләр. Вакцинаның беренсе компоненты 1 миллион 73 меңдән ашыу кешегә яһалған. 871 меңдән ашыу кеше прививкалауҙы тамамлаған. Башҡортостанда 200-гә яҡын урында вакцина эшләтергә була. Иң ҙур пункттарҙың береһе Өфөлә “Торатау” конгресс-холында урынлашҡан. КОВИД-ҡа ҡаршы ситуация үҙәгенең телефоны 218-19-19, Өфөнөң коды: 347.
