Республикала коронавирус йоҡторған ауыр сирлеләр һаны арта. Үткән тәүлектә 293 кешелә хәүефле вирус табылған. Әле дауаханаларҙа COVID-19 диагнозы менән 776 кеше дауалана. Уларҙың 500-ҙән ашыуы 60 йәштән өлкәндәр. Табиптар 86 пациенттың хәле ауырыу булыуы хаҡында белдерә. Бер тәүлек эсендә 12 кешенең ғүмере өҙөлгән. Уларҙың 800-гә яҡыны оло йәштәгеләр. Пандемия башланғандан алып, 964 кеше үлгән. Медицина хеҙмәткәрҙәре халыҡты коронавирустан вакцина яһатырға саҡыра. “Бары тик прививка инфекцияны туҡтатыу көсөнә эйә”, ти белгестәр. Республикала 200-ҙән ашыу урында иммунизация үтергә була. Cтационар һәм мобиль пункттар исемлеге һәм адресы менән Һаулыҡ һаҡлау министрлығы сайтында танышырға мөмкин.
