"Йәш һөнәрмәндәр" милли чемпионаты Башҡортостан иҡтисады өсөн ҙур әһәмиәткә эйә. Премьер-министр Андрей Назаров шулай тип белдерҙе. Уның әйтеүенсә, ярыштарҙа ҡатнашыусылар оҫталығын арттыра, тимәк улар сифатлыраҡ эшләй. Был чемпионат финалын уҙғарыу һөҙөмтәһе алдағы йылдарҙа күренәсәк, тине хөкүмәт рәйесе. "Йәш һөнәрмәндәр" милли чемпионаты финалы 25 августа башлана. Унда 76 төбәктән 1 мең 800 кеше ҡатнаша. Тәүгеләре Өфөгә бөгөн килә, Яҡут республикаһы вәкилдәре көтөлә.
