1991 йылдың 22 авгусында Аҡ йорт өҫтөнә аҡ-зәңгәр-ҡыҙыл байраҡ күтәрелә. Шулай итеп, 73 йылдан һуң ҡыҙыл флаг урынына ҡайтанан Рәсәйҙең тарихи, 3 төҫтәге әләме эленә. Ил президенты 22 августы Рәсәй флагы көнө тип рәсми билдәләү тураһындағы указға 1994 йылда ҡул ҡуйҙы. Башҡорт дәүләт университеты доценты Нурислам Ҡалмантаев әйтеүенсә, дәүләт мөстәҡиллеге символикаһына әйләнгән байраҡтың тарихы күпкә оҙайлыраҡ.
Бөгөн Республиканың район һәм ҡалаларында Дәүләт флагы көнөнә арналған саралар үтә.
