Республикала коронавирустан вафат булыусылар 1 меңдән ашты. Уҙған тәүлектә 15 кешенең ғүмере өҙөлгән. Шулай уҡ вирус йоҡтороусылар арта. Башҡортостан Һаулыҡ һаҡлау министрлығынан хәбәр итеүҙәренсә, бер тәүлек эсендә 300 кешелә инфекция табылған. Дауаханаларҙа 642 кеше ята, уларҙың күбеһе 60 йәштән өлкәндәр. Табиптар 53 пациенттың хәле ауыр булыуы хаҡында белдерә. Өй шарттарында 2 мең 655 кеше дауалана. “Хәүефле вирусты еңеү өсөн коллектив иммунитет булдырыу мөһим. Бының өсөн прививка яһатырға кәрәк”, ти табип Айбулат Әлибаев.
Уҙған тәүлектә республикала 18 мең 500-ҙән ашыу кеше прививка яһатҡан. Республикала 200-гә яҡын урында вакцина эшләтергә була. Шылтыратыуҙар үҙәгенең телефоны: 218-19-19, Өфөнөң коды: 347.
